ޗައިނާގެ 75 ވަނަ ޤައުމީ ދުވަހުގެ މުނާސަބާއާ ގުޅިގެން ރައީސް ތަހުނިޔާ ވިދާޅުވެއްޖެ

ޕީޕަލްސް ރިޕަބްލިކް އޮފް ޗައިނާ އުފެދުނުތާ 75 އަހަރު ފުރުމުގެ ތާރީޚީ މުނާސަބަތުގައި، ޗައިނާގެ ރައީސް ޝީ ޖިންޕިންގއަށާއި، ޗައިނާ ސަރުކާރަށާއި، އެޤައުމުގެ އެކުވެރި ރައްޔިތުންނަށް ވަރަށް އިޚްލާޞްތެރިކަމާއެކު ތަހުނިޔާ އާއި ހެޔޮއެދުންތައް ރައީސް ޑރ މުޙައްމަދު މުޢިއްޒު އަރިސްކުރިސްކުރައްވައިފިއެވެ. އެމަނިކުފާނު ތަހުނިޔާ އާއި ހެދޮޔޮއެދުންތައް އަރިސްކުރެއްވީ ޗައިނާގެ ޤައުމީ ދުވަހާ ގުޅިގެން މީސް މީޑިއާގައި ޙިއްޞާކުރެއްވި ޕޯސްޓެއްގައެވެ.

އެމަނިކުފާނުގެ ޕޯސްޓުގައި ޗައިނާއާއި ދިވެހިރާއްޖެއިން ދެޤައުމުގެ އެކުވެރިކަމުގެ އަގު ވަޒަންކުރައްވާކަން ފާހަގަކުރައްވާފައިވެއެވެ.

އަދި ދެޤައުމުގެ ދެމެދުގައި އޮތް ގާތްކަމުގެ ސަބަބުން ދެޤައުމުގެ ގުޅުން އިތުރަށް ބަދަހިވެގެން ދާނެކަމަށާއި އެކަމުގެ ސަބަބުން ދެޤައުމުގެ ރައްޔިތުންނަށް ފައިދާކުރާނެކަމުގައި ރައީސް ފާހަގަކުރައްވާފައިވެއެވެ.

ޗައިނާގެ 75 ވަނަ ޤައުމީ ދުވަހުގެ މުނާސަބަތުގައި ރޭ ބޭއްވި ރިސެޕްޝަނުގައިވެސް ރައީސް ވަނީ ބައިވެރިވެވަޑައިގެން ވާހަކަފުޅު ދައްކަވާފައެވެ. އެގޮތުން އެމަނިކުފާނު ވަނީ ދިވެހިރާއްޖެ ތަރައްޤީއަށް ކުރާ ދަތުރުގައި ޗައިނާއިން ދަނީ މެދުނުކެނޑި، ސާބިތުކަމާއެކު ބައިވެރިވަމުންކަމުގައި ޝުކުރުވެރިކަމާއެކު ފާހަގަކުރައްވާފައެވެ. އަދި ޗައިނާ އާއި ރާއްޖެއާ ދެމެދު އޮތް ގުޅުން ބިނާވެފައިވަނީ އިތުބާރާއި، އިޙްތިރާމާއި، ސިޔާދަތު ދެމެހެއްޓުމާއެކު، އިސްތިޤުލާލު ހިފެހެއްޓުމުގެ ބިންގަލުގެ މަތީގައިކަމަށް ރައީސް ވިދާޅުވިއެވެ.